हास्यश्रृंखला तीतो सत्य निर्देशन गरेर यो विधामा अब्बल सावित भैसकेका दीपकराज गिरीले कथा, पटकथा, संवाद जस्ता विधामा कमल चलाए पनि गिरीले चलचित्रमा भने आफूलाई अभिनेताका रुपमै सीमित राखेका छन् । दीपकराजले मुख्य भूमिका निर्वाह गरेका दुई चलचित्र यो वर्ष व्यवसायिक रुपमा समेत अत्यन्त सफल रहे ।
चलचित्र : कृ
चकलेटी अभिनेता अनमोलले यो वर्ष जम्मा एउटा मात्र चलचित्रमा अभिनय गरे । आफ्नै बुवा भुवन केसी तथा निर्माता सुवास गिरीद्वारा निर्देशित उक्त चलचित्र छायांकनको दिनदेखि नै चर्चामा रह्यो । चलचित्रले औसतभन्दा राम्रो व्यवसाय गरे पनि अनमोल केसीको अभिनय तथा भूमिकाको चौतर्फी प्रसंसा भयो । वर्षमा एक भन्दा बढी चलचित्रमा अभिनय नगर्ने कारणले पनि अनमोलका चलचित्रहरू दर्शकको प्रतीक्षाको सूचीमा रहन्छन् ।
चलचित्र : प्रेमगीत–२ तथा लिलिबिली
अनमोल केसी जत्तिकै लोकप्रिय छन् युवा अभिनेता प्रदीप खड्का । यो वर्ष उनले अभिनय गरेका दुई चलचित्र प्रदर्शनमा आए–प्रेमगीत–२ तथा लिलिबिली । प्रेमगीत–२ को व्यवसाय उत्कृष्ट रह्यो । प्रदीपको अभिनयलाई दर्शकले मन पराए । खासगरी युवतीहरू प्रदीपका डाइहार्ट फ्यान नै भए । प्रदीप वर्षको अन्तिम दिन अर्थात आज शुक्रवार प्रदर्शनमा आउने चलचित्र ‘लिलिबिली’ मा समेतसशक्त भूमिकामा प्रस्तुत भएका छन् ।
चलचित्र : म यस्तो गीत गाउँछु, जोनी जेन्टलम्यान तथा शत्रु गते
म्युजिक भिडियोमा अत्यन्त रुचाइएका मोडल हुन्— पल शाह । भिडियोमा उनको क्रेज देखेरै निर्माता–निर्देशकले उनलाई चलचित्रको अभिनेता बनाएका हुन् । यो वर्ष पलले अभिनय गरेका तीन वटा चलचित्र प्रदर्शनमा आए । तीमध्ये जोनी जेन्टलम्यान व्यवसायिक रुपमा असफल भयो भने म यस्तो गीत गाउँछु औसत रह्यो । धेरै कलाकारहरूको भूमिका रहेको शत्रुगते व्यवसायिक रूपमा सफल भयो, जसमा पलले पनि महत्वपूर्ण भूमिका निर्वाह गरेका छन् ।
No comments:
Post a Comment